Mere seene se tera teer jab ae jangjoo nikla

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 38 chapter_title: Mere seene se tera teer jab ae jangjoo nikla chapter_slug: "38-mere-seene-se-tera-teer-jab-ae-jangjoo-nikla" variant_id: "39c77d75-a9c3-4de0-bcda-20841e8c67f0" content_type: transliteration layout: verse language: Urdu source_language: Urdu language_direction: ltr script: latin word_count: 161 estimated_read_time: 1

Mere seene se tera teer jab ae jangjoo nikla Dahan-e-zakhm se khoon ho ke harf-e-aarzoo nikla Mera ghar teri manzil-gaah ho aise kahan taale' Khuda jaane kidhar ka chaand aaj ae maah-roo nikla Phira gar aasmaan to shauq mein tere hai sargardaan Agar khursheed nikla tera garm-e-justajoo nikla Mai-e-ishrat talab karte the naahaq aasmaan se hum Woh tha labrez-e-gham us khumkade se jo suboo nikla Tere aate hi aate kaam aakhir ho gaya mera Rahi hasrat ke dam mera na tere roobaroo nikla Kahin tujh ko na paaya garche hum ne ik jahan dhoonda Phir aakhir dil hi mein dekha baghal hi mein se tu nikla Khajal apne gunahon se hoon main yaan tak ke jab roya To jo aansu meri aankhon se nikla surkh-roo nikla Ghise sab naakhun-e-tadbeer aur tooti sar-e-sozan Magar tha dil mein jo kaanta na hargiz woh kabhu nikla Use ayyaar paaya yaar samjhe 'Zauq' hum jis ko Jise yaan dost apna humne jaana woh adoo nikla