Mehfil mein shor-e-qulqul-e-meena-e-mul hua

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 37 chapter_title: "Mehfil mein shor-e-qulqul-e-meena-e-mul hua" chapter_slug: "37-mehfil-mein-shor-e-qulqul-e-meena-e-mul-hua" variant_id: "f26fa3a4-e7dc-4702-9b7b-5453c57cde48" content_type: transliteration layout: verse language: Urdu source_language: Urdu language_direction: ltr script: latin word_count: 91 estimated_read_time: 1

Mehfil mein shor-e-qulqul-e-meena-e-mul hua La saaqiya piyaala ke tauba ka qul hua

Jin ki nazar charha tera rukhsar-e-aatishin Un ka chiragh-e-gor na ta-hashr gul hua

Banda-nawaziyan toh yeh dekho ke aadmi Juzv-e-zaeef mehram-e-asrar-e-kul hua

Darya-e-gham se mere guzarne ke waaste Tegh-e-khameeda yaar ki lohe ka pul hua

Parwana bhi tha garm-e-tapish par khula na raaz Bulbul ki tang-hauslagi thi ke ghul hua

Aayi tihi-daron ki na hargiz samajh mein baat Aawaaza go buland misaal-e-dohol hua

Us bin raha chaman mein bhi main Zauq dil-kharaash Naakhun se tez-tar mujhe har barg-e-gul hua