Maza tha hum ko jo Laila se do-ba-do karte

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 36 chapter_title: "Maza tha hum ko jo Laila se do-ba-do karte" chapter_slug: "36-maza-tha-hum-ko-jo-laila-se-do-ba-do-karte" variant_id: "e95ca40a-50e3-409c-b06d-17ded22d6b62" content_type: transliteration layout: verse language: Urdu source_language: Urdu language_direction: ltr script: latin word_count: 139 estimated_read_time: 1

Maza tha hum ko jo Laila se do-ba-do karte Ke gul tumhaari bahaaron mein aarzu karte

Maze jo maut ke aashiq bayaan kabhu karte Maseeh o Khizr bhi marne ki aarzu karte

Gharaz thi kya tere teeron ko aab-e-paikaan se Magar ziyaarat-e-dil kyun ke be-wuzu karte

Ajab na tha ke zamaane ke inqilaab se hum Tayammum aab se aur khaak se wuzu karte

Agar yeh jaante chun chun ke hum ko todenge Toh gul kabhi na tamanna-e-rang-o-boo karte

Samajh yeh daar-o-rasan taar-o-sozan ae Mansoor Ke chaak-e-parda haqeeqat ka hain rafoo karte

Yaqeen hai subh-e-qayamat ko bhi suboohi-kash Uthenge khwaab se saaqi suboo suboo karte

Na rehti Yusuf-e-Kinaan ki garmi-e-bazaar Muqable mein jo hum tujh ko rubaru karte

Chaman bhi dekhte gulzaar-e-aarzu ki bahaar Tumhaari baad-e-bahaari mein aarzu karte

Suraagh-e-umr-e-guzishta ka kijiye gar Zauq Tamaam umr guzar jaaye justuju karte