Jo kuch ke hai duniya mein woh insaan ke liye hai

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 23 chapter_title: Jo kuch ke hai duniya mein woh insaan ke liye hai chapter_slug: "23-jo-kuch-ke-hai-duniya-mein-woh-insaan-ke-liye-hai" variant_id: "7e77560f-12b8-4052-8b29-9420d43a3df1" content_type: transliteration layout: verse language: Urdu source_language: Urdu language_direction: ltr script: latin word_count: 178 estimated_read_time: 1

Jo kuch ke hai duniya mein woh insaan ke liye hai Aarasta yeh ghar usi mehmaan ke liye hai

Zulfein teri kaafir unhein dil se mere kya kaam Dil Kaaba hai aur Kaaba Musalmaan ke liye hai

Ho qaid-e-tafakkur se kab azaad sukhan-war Manzoor qafas murgh-e-khush-ilhaan ke liye hai

Apnon se na mil apne hain sab apnon ke dushman Har nai mein bhari aag neestaan ke liye hai

Kuch bakht se mere jo siwa hai woh siyahi Baaqi hai toh meri shab-e-hijraan ke liye hai

Deewana hoon main bhi woh tamasha ke mera zikr Goya sabaq atfaal-e-dabistaan ke liye hai

Hai baada-kashon ke liye ik ghaib se taa'eed Zaahid jo dua maangta baaraan ke liye hai

Chungal mein hai muzi ke dil iss chashm ke haathon Ghera yeh ghazab panja-e-mizhgaan ke liye hai

Main kis ki nigaahon ka hoon vehshi ke meri khaak Ik kohl-e-basar chashm-e-ghazalaan ke liye hai

Dil bhi hai bala qaabil-e-mashq-e-sitam-o-naaz Jo teer hai uss tooda-e-toofaan ke liye hai

Nikle koi kya qaid-e-alaa'iq se ke ae Zauq Dar hi nahi is khaana-e-zindaan ke liye hai