Ab toh ghabra ke yeh kehte hain ke mar jaayenge

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 4 chapter_title: Ab toh ghabra ke yeh kehte hain ke mar jaayenge chapter_slug: "04-ab-toh-ghabra-ke-yeh-kehte-hain-ke-mar-jaayenge" variant_id: "74cb1e2c-6efc-4fd5-a3ec-043bf24ef829" content_type: transliteration layout: verse language: Urdu source_language: Urdu language_direction: ltr script: latin word_count: 198 estimated_read_time: 1

Ab toh ghabra ke yeh kehte hain ke mar jaayenge Mar ke bhi chain na paaya toh kidhar jaayenge Tum ne thehraai agar ghair ke ghar jaane ki Toh iraade yahan kuch aur theher jaayenge Khaali ae chaara-garo honge bahut marham-daan Par mere zakhm nahin aise ke bhar jaayenge Pahunchenge rah-guzar-e-yaar talak kyon kar hum Pehle jab tak na do aalam se guzar jaayenge Shola-e-aah ko bijli ki tarah chamkaaun Par mujhe dar hai ke woh dekh ke dar jaayenge Hum nahin woh jo karein khoon ka daawa tujh par Balki poochhega Khuda bhi toh mukar jaayenge Aag dozakh ki bhi ho jaayegi paani paani Jab yeh aasi arq-e-sharm se tar jaayenge Nahin paayega nishaan koi hamara hargiz Hum jahaan se ravish-e-teer-nazar jaayenge Saamne chashm-e-gauhar-baar ke keh do dariya Chadh ke gar aaye toh nazron se utar jaayenge Laaye jo mast hain turbat pe gulaabi aankhein Aur agar kuch nahin do phool toh dhar jaayenge Rukh-e-roshan se naqaab apne ulat dekho tum Mehr-o-mah nazron se yaaron ki utar jaayenge Hum bhi dekhenge koi ahl-e-nazar hai ke nahin Yaan se jab hum ravish-e-teer-nazar jaayenge Zauq jo madrasay ke bigde hue hain mulla Inko mai-khaane mein le aao sanwar jaayenge