Chahiye achhon ko jitna chahiye

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 22 chapter_title: Chahiye achhon ko jitna chahiye chapter_slug: "22-chahiye-achhon-ko-jitna-chahiye" variant_id: "d6664899-d2a4-4055-a039-f18892450337" content_type: transliteration layout: verse language: Urdu source_language: Urdu language_direction: ltr script: latin word_count: 114 estimated_read_time: 1

Chahiye achhon ko jitna chahiye Yeh agar chahein to phir kya chahiye

Sohbat-e-rindaan se wajib hai hazar Jaye-maye apne ko kheenchha chahiye

Chahne ko tere kya samjha tha dil Baaray ab iss se bhi samjha chahiye

Chaak mat kar jaib be-ayaam-e-gul Kuch idhar ka bhi ishaara chahiye

Dosti ka parda hai begaanagi Munh chhupana hum se chhora chahiye

Dushmani ne meri khoya ghair ko Kis qadar dushman hai dekha chahiye

Apni ruswai mein kya chalti hai sa'i Yaar hi hangama-aara chahiye

Munhasir marne pe ho jis ki ummeed Na-umeedi uss ki dekha chahiye

Ghaafil in meh-tal'aton ke waaste Chahne waala bhi achha chahiye

Chahte hain khoob-ruyon ko Asad Aap ki soorat to dekha chahiye