Shauq har rang raqeeb-e-sar-o-saamaan nikla

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 183 chapter_title: "Shauq har rang raqeeb-e-sar-o-saamaan nikla" chapter_slug: "183-shauq-har-rang-raqeeb-e-sar-o-saamaan-nikla" variant_id: "1640f513-2141-40ea-a9c1-170691181e25" content_type: transliteration layout: verse language: Urdu source_language: Urdu language_direction: ltr script: latin word_count: 179 estimated_read_time: 1

Shauq har rang raqeeb-e-sar-o-saamaan nikla Qais tasveer ke parde mein bhi uryaan nikla

Zakhm ne daad na di tangi-e-dil ki ya rab Teer bhi seena-e-bismil se par-afshaan nikla

Boo-e-gul naala-e-dil dood-e-charaagh-e-mehfil Jo teri bazm se nikla so pareshaan nikla

Dil-e-hasrat-zada tha maaida-e-lazzat-e-dard Kaam yaaron ka ba-qadr-e-lab-o-dandaan nikla

Thi nau-aamoz-e-fana himmat-e-dushwaar-pasand Sakht mushkil hai ke yeh kaam bhi aasaan nikla

Dil mein phir girya ne ik shor uthaaya Ghalib Aah jo qatra na nikla tha so toofaan nikla

Karkhaane se junoon ke bhi main uryaan nikla Meri qismat ka na ek-aadh garebaan nikla

Saaghar-e-jalwa-e-sarshaar hai har zarra-e-khaak Shauq-e-deedar bala aaina-saamaan nikla

Kuch khatakta tha mere seene mein lekin aakhir Jis ko dil kehte the so teer ka paikaan nikla

Kis qadar khaak hua hai dil-e-majnoon ya rab Naqsh-e-har-zarra suwaida-e-bayaabaan nikla

Shor-e-ruswaai-e-dil dekh ke yak-naala-e-shauq Laakh parde mein chhupa par wohi uryaan nikla

Shokhi-e-rang-e-hina khoon-e-wafa se kab tak Aakhir ae ehd-shikan tu bhi pashemaan nikla

Jauhar-e-ijaad-e-khatt-e-sabz hai khud-beeni-e-husn Jo na dekha tha so aaine mein pinhaan nikla

Main bhi ma'zoor-e-junoon hoon Asad ae khaana-kharaab Peshwa lene mujhe ghar se bayaabaan nikla