Aah ko chahiye ik umr asar hote tak

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 3 chapter_title: Aah ko chahiye ik umr asar hote tak chapter_slug: "03-aah-ko-chahiye-ik-umr-asar-hote-tak" variant_id: "f0e6ec06-2deb-40aa-a308-f5e14f4646e9" content_type: transliteration layout: verse language: Urdu source_language: Urdu language_direction: ltr script: latin word_count: 123 estimated_read_time: 1

Aah ko chahiye ik umr asar hote tak Kaun jeeta hai tiri zulf ke sar hote tak

Daam-e-har-mauj mein hai halqa-e-sad-kaam-e-nahang Dekhein kya guzre hai qatre pe gauhar hote tak

Aashiqui sabr-talab aur tamanna betaab Dil ka kya rang karun khoon-e-jigar hote tak

Ta-qayamat shab-e-furqat mein guzar jaayegi umr Saat din hum pe bhi bhaari hain seher hote tak

Hum ne maana ke taghaful na karoge lekin Khaak ho jaayenge hum tum ko khabar hote tak

Partau-e-khur se hai shabnam ko fana ki taaleem Main bhi hoon ek inaayat ki nazar hote tak

Yak nazar besh nahin fursat-e-hasti ghaafil Garmi-e-bazm hai ik raqs-e-sharar hote tak

Gham-e-hasti ka Asad kis se ho juz marg ilaaj Shama har rang mein jalti hai seher hote tak