Aaina dekh apna sa munh le ke reh gaye

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 4 chapter_title: Aaina dekh apna sa munh le ke reh gaye chapter_slug: "04-aaina-dekh-apna-sa-munh-le-ke-reh-gaye" variant_id: "25f03e56-8df3-4219-ac99-c2c762dba81c" content_type: transliteration layout: verse language: Urdu source_language: Urdu language_direction: ltr script: latin word_count: 109 estimated_read_time: 1

Aaina dekh apna sa munh le ke reh gaye Sahab ko dil na dene pe kitna ghuroor tha

Qaasid ko apne haath se gardan na maariye Us ki khata nahi hai yeh mera qusoor tha

Zof-e-junoon ko waqt-e-tapish dar bhi door tha Ik ghar mein mukhtasar sa bayabaan zaroor tha

Ae waaye-ghaflat-nigah-e-shauq warna yaan Har paara-e-sang lakht-e-dil-e-Koh-e-Toor tha

Dars-e-tapish hai barq ko ab jis ke naam se Woh dil hai yeh ke jis ka takhallus saboor tha

Har rang mein jala Asad-e-fitna-e-intezaar Parwana-e-tajalli-e-shama-e-zahoor tha

Shayad ke mar gaya tere rukhsaar dekh kar Paimana raat maah ka labrez-e-noor tha

Jannat hai teri tegh ke kushton ki muntazir Jauhar sawad-e-jalwa-e-mizhgan-e-hoor tha