Aaina kyun na doon ke tamasha kahein jise

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 5 chapter_title: Aaina kyun na doon ke tamasha kahein jise chapter_slug: "05-aaina-kyun-na-doon-ke-tamasha-kahein-jise" variant_id: "5d815dd5-641e-45be-9077-d5fd9953e8a6" content_type: transliteration layout: verse language: Urdu source_language: Urdu language_direction: ltr script: latin word_count: 123 estimated_read_time: 1

Aaina kyun na doon ke tamasha kahein jise Aisa kahan se laaun ke tujh sa kahein jise

Hasrat ne la rakha teri bazm-e-khayal mein Guldasta-e-nigah suwaida kahein jise

Phoonka hai kis ne gosh-e-mohabbat mein aye Khuda Afsun-e-intezar tamanna kahein jise

Sar par hujoom-e-dard-e-ghareebi se daaliye Woh ek musht-e-khaak ke sehra kahein jise

Hai chashm-e-tar mein hasrat-e-deedar se nihaan Shauq-e-inaan gusikhta darya kahein jise

Darkaar hai shaguftan-e-gul-haaye-aish ko Subh-e-bahaar pamba-e-meena kahein jise

Ghalib bura na maan jo waa'iz bura kahe Aisa bhi koi hai ke sab achha kahein jise

Ya Rab humein toh khwaab mein bhi mat dikhaiyo Yeh mehshar-e-khayal ke duniya kahein jise

Hai intezar se sharar-abaad rastakhez Mizhgan-e-kohkan rag-e-khara kahein jise

Kis fursat-e-visaal pe hai gul ko andaleeb Zakhm-e-firaaq khanda-e-beja kahein jise