Aabroo kya khaak uss gul ki ke gulshan mein nahin

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 2 chapter_title: Aabroo kya khaak uss gul ki ke gulshan mein nahin chapter_slug: "02-aabroo-kya-khaak-uss-gul-ki-ke-gulshan-mein-nahin" variant_id: "74831ed3-0b6a-49d3-af4b-71c355457ad9" content_type: transliteration layout: verse language: Urdu source_language: Urdu language_direction: ltr script: latin word_count: 181 estimated_read_time: 1

Aabroo kya khaak uss gul ki ke gulshan mein nahin Hai garebaan nang-e-pairaahan jo daaman mein nahin

Zof se ae girya kuch baaqi mere tan mein nahin Rang ho kar udd gaya jo khoon ke daaman mein nahin

Ho gaye hain jama ajzaa-e-nigaah-e-aaftaab Zarre uss ke ghar ki deewaron ke rauzan mein nahin

Kya kahun taariki-e-zindaan-e-gham andher hai Pamba-e-noor-e-subah se kam jiss ke rauzan mein nahin

Raunaq-e-hasti hai ishq-e-khaana veeraan saaz se Anjuman be-shama hai gar barq khirman mein nahin

Zakhm silwaane se mujh par chaara-joi ka hai taan Ghair samjha hai ke lazzat zakhm-e-sozan mein nahin

Baskeh hain hum ek bahaar-e-naaz ke maare hue Jalwa-e-gul ke siwa gard apne madfan mein nahin

Qatra qatra ek hayoola hai naye naasoor ka Khoon bhi zauq-e-dard se faarigh mere tan mein nahin

Le gayi saaqi ki nakhwat qulzum-aashaami meri Mauj-e-mai ki aaj rag-e-meena ki gardan mein nahin

Ho fishaar-e-zof mein kya na-tawaani ki namood Qad ke jhukne ki bhi gunjaish mere tan mein nahin

Thi watan mein shaan kya Ghalib ke ho ghurbat mein qadr Be-takalluf hoon woh musht-e-khas ke gul-khan mein nahin