Aa ke meri jaan ko qarar nahin hai

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 1 chapter_title: Aa ke meri jaan ko qarar nahin hai chapter_slug: "01-aa-ke-meri-jaan-ko-qarar-nahin-hai" variant_id: "c9fc596d-d261-4f75-b9d9-172c44d3ba8d" content_type: transliteration layout: verse language: Urdu source_language: Urdu language_direction: ltr script: latin word_count: 85 estimated_read_time: 1

Aa ke meri jaan ko qarar nahin hai Taaqat-e-bidaad-e-intezar nahin hai

Dete hain jannat hayat-e-dahr ke badle Nasha ba-andaza-e-khumar nahin hai

Giriya nikaale hai teri bazm se mujh ko Haaye ke rone pe ikhtiyar nahin hai

Hum se abas hai gumaan-e-ranjish-e-khatir Khaak mein ashaaq ki ghubaar nahin hai

Dil se utha lutf-e-jalwa-haaye-maani Ghair-e-gul aaina-e-bahaar nahin hai

Qatl ka mere kiya hai ahd to baare Waaye agar ahd ustuwaar nahin hai

Tu ne qasam mai-kashi ki khaayi hai Ghalib Teri qasam ka kuch aitbaar nahin hai