Chapter 74

Vi_74

aṣṭakāsu daivapūrvaṃ śākamāṃsāpūpaiḥ śrāddhaṃ kṛtvānvaṣṭakāsv aṣṭakāvad vahnau hutvā daivapūrvam eva mātre pitāmahyai prapitāmahyai ca pūrvavad brāhmaṇān bhojayitvā dakṣiṇābhiś cābhyarcyānuvrajya visarjayet // Vi_74.1 //

tataḥ karṣūḥ kuryāt // Vi_74.2 //

tanmūle prāgudagagnyupasamādhānaṃ kṛtvā piṇḍanirvapaṇam // Vi_74.3 //

karṣūtrayamūle puruṣāṇāṃ karṣūtrayamūle strīṇām // Vi_74.4 //

puruṣakarṣūtrayaṃ sānnenodakena pūrayet // Vi_74.5 //

strīkarṣūtrayaṃ sānnena payasā // Vi_74.6 //

dadhnā māṃsena payasā pratyekaṃ karṣūtrayam // Vi_74.7 //

pūrayitvā japed etad bhavadbhyo bhavatībyo 'stu cākṣayam // Vi_74.8 //