Chapter 75

Vi_75

pitari jīvati yaḥ śrāddhaṃ kuryāt, sa yeṣāṃ pitā kuryāt teṣāṃ kuryāt // Vi_75.1 //

pitari pitāmahe ca jīvati yeṣāṃ pitāmahaḥ // Vi_75.2 //

pitari pitāmahe prapitāmahe ca jīvati naiva kuryāt // Vi_75.3 //

yasya pitā pretaḥ syāt sa pitre piṇḍaṃ nidhāya pitāmahāt paraṃ dvābhyāṃ dadyāt // Vi_75.4 //

yasya pitā pitāmahaś ca pretau syātāṃ sa tābhyāṃ piṇḍau dattvā pitāmahapitāmahāya dadyāt // Vi_75.5 //

yasya pitāmahaḥ pretaḥ syāt sa tasmai piṇḍaṃ nidhāya prapitāmahāt paraṃ dvābhyāṃ dadyāt // Vi_75.6 //

mātāmahānām apy evaṃ śrāddhaṃ kuryād vicakṣaṇaḥ /

mantroheṇa yathānyāyaṃ śeṣāṇāṃ mantravarjitam || Vi_75.7 ||