Chapter 10

cāturvarṇyeṣu sarveṣu hitāṃ vakṣyāmi niṣkṛtim /

agamyā gamane caiva śuddhyai cāndrāyaṇaṃ caret (II,1, p. 297) // Par_10.1 //

ekaikaṃ hrāsayed grāsaṃ kṛṣṇe śukle ca vardhayet /

amāvāsyāṃ na bhuñjīta hy eṣa cāndrāyaṇo vidhiḥ (II,1, p. 298) // Par_10.2 //

kukkuṭāṇḍapramāṇaṃ tu grāsaṃ vai parikalpayet /

anyāthā bhāvadoṣeṇa na dharmo na ca śudhyati (II,1, p. 304) // Par_10.3 //

prāyaścitte tataś cīrṇe kuryād brahmaṇabhojanam /

godvayaṃ vastrayugmaṃ ca dadyād vipreṣu dakṣiṇām (II,1, p. 305) // Par_10.4 //

caṇḍālīṃ vā śvapākīṃ vā hy abhigacchati yo dvijaḥ /

trirātram upavāsitvā viprāṇām anuśāsanam // Par_10.5 //

saśikhaṃ pavanaṃ kṛtvā prājāpatyadvayaṃ caret /

godvayaṃ dakṣiṇāṃ dadyāc chuddhiṃ pārāśaro 'bravīt (II,1, p. 306) // Par_10.6 //

kṣatriyo vātha vaiśyo vā caṇḍālīṃ gacchato yadi /

prājāpatyadvayaṃ kuryād dadyād gomithunadvayam (II,1, p. 307) // Par_10.7 //

śvapākīṃ vātha caṇḍālīṃ śūdro vā yadi gacchati /

prājāpatyaṃ caret kṛcchraṃ catur gomithunaṃ dadet // Par_10.8 //

mātaraṃ yadi gacchet tu bhaginīṃ svasutāṃ tathā /

etās tu mohito gatvā trīṇi kṛcchrāṇi saṃcaret (II,1, p. 311) // Par_10.9 //

cāndrāyaṇatrayaṃ kuryāc chiśnacchedena śudhyati /

mātṛṣvasṛgame caivam ātmameḍhranikartanam (II,1, p. 316) // Par_10.10 //

ajñānena tu yo gacchet kuryāc cāndrāyaṇadvayam /

daśa gomithunaṃ dadyāc chuddhiṃ pāraśaro 'bravīt (II,1, p. 317) // Par_10.11 //

pitṛdārān samāruhya mātur āptāṃ tu bhrātṛjām /

gurupātnīṃ snuṣāṃ caiva bhrātṛbhāryāṃ tathaiva ca (II,1, p. 319) // Par_10.12 //

mātulānīṃ sagotrāṃ ca prājāpatyatrayaṃ caret /

godvayaṃ dakṣiṇāṃ dadyāc chudhyate nātra saṃśayaḥ // Par_10.13 //

paśuveṣyādigamane mahiṣyuṣṭrīkapīs tathā /

kharīṃ ca sūkarīṃ gatvā prājāpatyavrataṃ caret (II,1, p. 339) // Par_10.14 //

gogāmī ca trirātreṇa gām ekāṃ brāhmaṇe dadan /

mahiṣyuṣṭrīkharīgāmī tv ahorātreṇa śudhyati (II,1, p. 342) // Par_10.15 //

ḍāmare samare vāpi durbhikṣe vā janakṣaye /

bandigrāhe bhayārtā vā sadā svastrīṃ nirīkṣayet // Par_10.16 //

caṇḍālaiḥ saha saṃparkaṃ yā nārī kurute tataḥ /

viprān daśa varān kṛtvā svakaṃ doṣaṃ prakāśayet (II,1, p. 343) // Par_10.17 //

ākaṇṭhasaṃmite kūpe gomayodakakardame /

tatra sthitvā nirāhārā tv ahorātreṇa niṣkramet // Par_10.18 //

saśikhaṃ vapanaṃ kṛtvā bhuñjīyād yāvakaudanam /

trirātram upavāsitvā tv ekarātraṃ jale vaset // Par_10.19 //

śaṃkhapuṣpīlatāmūlaṃ patraṃ vā kusumaṃ phalam /

suvarṇaṃ pañcagavyaṃ ca kvāthayitvā pibej jalam // Par_10.20 //

ekabhaktaṃ caret paścād yāvat puṣpavatī bhavet /

vrataṃ carati tad yāvat tāvat saṃvasate bahiḥ (II,1, p. 344) // Par_10.21 //

prāyaścitte tataś cīrṇe kuryād brāhmaṇabhojanam /

godvayaṃ dakṣiṇāṃ dadyac chuddhiṃ pārāśaro 'bravīt (II,1, p. 345) // Par_10.22 //

cāturvarṇyasya nārīṇāṃ kṛcchraṃ cāndrāyaṇaṃ vratam /

yathā bhūmis tathā nārī tasmāt tāṃ na tu dūṣayet (II,1, p. 346) // Par_10.23 //

bandigrāheṇa yā bhuktā hatvā baddhvā balād bhayāt /

kṛtvā sāṃtapanaṃ kṛcchraṃ śudhyet pārāśaro 'bravīt (II,1, p. 347) // Par_10.24 //

sakṛd bhuktā tu yā nārī necchantī pāpakarmabhiḥ /

prājāpatyena śudhyeta ṛtuprasravaṇena ca // Par_10.25 //

pataty ardhaṃ śarīrasya yasya bhāryā surāṃ pibet /

patitārdhaśarīrasya niṣkṛtir na vidhīyate (II,1, p. 349) // Par_10.26 //

gāyatrīṃ japamānas tu kṛcchraṃ sāṃtapanaṃ caret /

gomūtraṃ gomayaṃ kṣīraṃ dadhi sarpiḥ kuśodakam (II,1, p. 351) // Par_10.27 //

ekarātropavāsaś ca kṛcchraṃ sāṃtapanaṃ smṛtam /

jāreṇa janayed garbhaṃ mṛte 'vyakte gate patau (II,1, p. 352) // Par_10.28 //

tāṃ tyajed apare rāṣṭre patitāṃ pāpakāriṇīm /

brāhmaṇī tu yadā gacchet parapuṃsā samanvitā (II,1, p. 354) // Par_10.29 //

sā tu naṣṭā vinirdiṣṭā na tasyāgamanaṃ punaḥ /

kāmān mohāt tu yā gacchet tyaktvā bandhūn sutān patim (II,1, p. 356) // Par_10.30 //

sā tu naṣṭā pare loke mānuṣeṣu viśeṣataḥ /

madamohagatā nārī krodhād daṇḍāditāḍitā // Par_10.31 //

advitīyā gatā caiva punarāgamanaṃ bhavet /

daśame tu dine prāpte prāyaścittaṃ na vidyate (II,1, p. 358) // Par_10.32 //

daśāhaṃ na tyajen nārīṃ tyajen naṣṭaśrutāṃ tathā /

bhartā caiva caret kṛcchraṃ kṛcchārdhaṃ caiva bāndhavāḥ // Par_10.33 //

teṣāṃ bhuktvā ca pītvā ca ahorātreṇa śudhyati /

brāhmaṇī tu yadā gacchet parapuṃsā vivarjitā (II,1, p. 359) // Par_10.34 //

gatvā puṃsāṃ śataṃ yāti tyajeyus tāṃ tu gotriṇaḥ /

puṃso yadi gṛhe gacchet tad aśuddhaṃ gṛhaṃ bhavet (II,1, p. 360) // Par_10.35 //

patimātṛgṛhaṃ yac ca jārasyaiva tu tad gṛham /

ullikhya tad gṛhaṃ paścāt pañcagavyena secayet // Par_10.36 //

tyajec ca mṛṇmayaṃ pātraṃ vastraṃ kāṣṭhaṃ ca śodhayet /

saṃbhārān śodhayet sarvān gobālaiś ca phalodbhavān // Par_10.37 //

tāmrāṇi pañcagavyena kāṃsyāni daśa bhasmabhiḥ /

prāyaścittaṃ cared vipro brāhmaṇair upapāditam // Par_10.38 //

godvayaṃ dakṣiṇāṃ dadyāt prājāpatyadvayaṃ caret /

itareṣām ahorātraṃ pañcagavyaṃ ca śodhanam // Par_10.39 //

upavāsair vrataiḥ puṇyaiḥ snānasaṃdhyārcanādibhiḥ /

japahomadayādānaiḥ śudhyante brāhmaṇādayaḥ (II,1, p. 361) // Par_10.40 //

ākāśaṃ vāyur agniś ca medhyaṃ bhūmigataṃ jalam /

na praduṣyanti darbhāś ca yajñeṣu camasā yathā // Par_10.41 //