koi in tang-dahanon se mohabbat na kare

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 59 chapter_title: "koi in tang-dahanon se mohabbat na kare" chapter_slug: "59-koi-in-tang-dahanon-se-mohabbat-na-kare" variant_id: "bec0373f-797a-4d74-af4e-52da77239bd6" content_type: transliteration layout: verse language: Urdu source_language: Urdu language_direction: ltr script: latin word_count: 125 estimated_read_time: 1

koi in tang-dahanon se mohabbat na kare aur jo yeh tang karein munh se shikayat na kare

ishq ke daagh ko dil mohr-e-nabuwat samjha dar hai kafir kahin daawa-e-nabuwat na kare

hai jarahat ka meri sauda-e-almas ilaaj faayda us ko kabhi sang-e-jarahat na kare

har qadam par mere ashkon se ravan hai dariya kya kare jaada agar tark-e-rafaqat na kare

aaj tak khoon se mere tar hai zabaan-e-khanjar kya kare jab ke talab koi shahadat na kare

hai yeh insaan bade ustaad ka shagird-e-rashid kar sake kaun agar yeh bhi khilafat na kare

bin jale shama ke parwana nahin jal sakta kya badhe ishq agar husn hi sabqat na kare

phir chala maqtal-e-ushaq ki janib qaatil sar pe barpa kahin kushton ke qayamat na kare