gayin yaaron se woh agli mulaqaton ki sab rasmein

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 55 chapter_title: gayin yaaron se woh agli mulaqaton ki sab rasmein chapter_slug: "55-gayin-yaaron-se-woh-agli-mulaqaton-ki-sab-rasmein" variant_id: "eb1e684d-fd9b-4b4e-a21f-28b002c6e371" content_type: transliteration layout: verse language: Urdu source_language: Urdu language_direction: ltr script: latin word_count: 148 estimated_read_time: 1

gayin yaaron se woh agli mulaqaton ki sab rasmein pada jis din se dil bas mein tere aur dil ke hum bas mein

kabhi milna kabhi rehna alag maanind-e-mizhgaan ke tamasha kaj-sarishton ka hai kuch ikhlaas ke bas mein

tawaqqo kya ho jeene ki tere bemaar-e-hijraan ke na jumbish nabz mein jis ki na garmi jis ke malmas mein

dikhaaye cheera-dasti aah baala-dast gar apni toh maare haath daaman-e-qayamat charkh-e-atlas mein

jo hai gosha-nasheen tere khayal-e-mast-e-abru mein woh hai bait-us-sanam mein bhi toh hai bait-ul-muqaddas mein

kare lab-aashna harf-e-shikayat se kahan yeh dam tere mahzoon-e-be-dam mein tere maftoon-e-bekas mein

hawa-e-koo-e-jaanan le ude isko ta'ajjub kya tan-e-laaghar mein hai jaan is tarah jis tarah bu khas mein

mujhe ho kis tarah qaul-o-qasam ka aitbaar un ke hazaaron de chuke woh qaul laakhon kha chuke qasmein

huye sab jama mazmoon Zauq deewan-e-do-aalam ke hawaas-e-khamsa hain insaan ke woh band-e-mukhammas mein