dil bache kyuunkar buton ki chashm-e-shokh-o-shang se

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 54 chapter_title: "dil bache kyuunkar buton ki chashm-e-shokh-o-shang se" chapter_slug: "54-dil-bache-kyuunkar-buton-ki-chashm-e-shokh-o-shang" variant_id: "ade7217a-5695-4a88-bbb9-751e8845b9d6" content_type: transliteration layout: verse language: Urdu source_language: Urdu language_direction: ltr script: latin word_count: 141 estimated_read_time: 1

dil bache kyuunkar buton ki chashm-e-shokh-o-shang se apna ghar to soojhta hai saikdon farsang se

ek bhi nikle na meri si faghan-e-dil-kharaash garchah khoon tapke galu-e-murgh-e-khush-aahang se

chhup ke baithega kahan tu hum se ae rangeen-nawa hoga tu jis rang mein mil jaayenge us rang se

bal be-baariki ke goya har tera taar-e-sukhan jantari mein khinch ke nikla hai dahan-e-tang se

ae taghaaful-kesh jaldi aa ke tu waaqif nahin is dil-e-betaab o jaan-e-muztarib ke dhang se

josh-e-girya se rahi barsaat barson par kabhi us ki tegh-e-tez aalooda na dekhi zang se

mere girye ke asar se ho gaye patthar bhi aab jharte hain jaa-e-sharar paani ke qatre sang se

pehle yeh niyyat wuzu ki hai namaaz-e-ishq mein dil se keh deejiye ke dhowe haath naam o nang se

Zauq zeba hai jo ho reesh-e-safeid-e-shaikh par wasma aab-e-bang se mehndi mai-e-gul-rang se