baadam do jo bheje hain batwe mein daal kar

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 53 chapter_title: baadam do jo bheje hain batwe mein daal kar chapter_slug: "53-baadam-do-jo-bheje-hain-batwe-mein-daal-kar" variant_id: "1b7ff88a-073b-4a7b-8440-61d3319df989" content_type: transliteration layout: verse language: Urdu source_language: Urdu language_direction: ltr script: latin word_count: 113 estimated_read_time: 1

baadam do jo bheje hain batwe mein daal kar imaan yeh hai ke bhej de aankhein nikaal kar

dil seene mein kahan hai na tu dekh-bhaal kar ae aah keh de teer ka naama nikaal kar

utrega ek jaam bhi poora na chaak se khaak-e-dil-shikasta na sarf-e-kulaal kar

le kar buton ne jaan jab imaan pe daala haath dil kya kinaare ho gaya sab ko sambhaal kar

tasveer unki hazrat-e-dil kheench leejiye gar rakh denge hum bhi paaon pe aankhein nikaal kar

qaatil hai kis maze se namak-paash-e-zakhm-e-dil bismil zara tadap ke namak to halaal kar

dil ko rafeeq-e-ishq mein apna samajh na Zauq tal jaayega yeh apni bala tujh pe taal kar