Yeh iqaamat hamein paigham-e-safar deti hai

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 51 chapter_title: "Yeh iqaamat hamein paigham-e-safar deti hai" chapter_slug: "51-yeh-iqaamat-hamein-paigham-e-safar-deti-hai" variant_id: "d1b13b52-b027-4ae8-a513-a487043d0452" content_type: transliteration layout: verse language: Urdu source_language: Urdu language_direction: ltr script: latin word_count: 201 estimated_read_time: 1

Yeh iqaamat hamein paigham-e-safar deti hai Zindagi maut ke aane ki khabar deti hai

Zaal-e-duniya hai ajab tarah ki allama-e-dehr Mard-e-deen-daar ko bhi dehriya kar deti hai

Badhti jaati hai jo mashq-e-sitam us zaalim ki Kuch mohabbat meri islaah magar deti hai

Faayda de tere beemaar ko kya khaak dawa Ab toh akseer bhi deeje toh zarar deti hai

Shama ghabra na shab-e-gham se ke koi dam mein Tujh ko kafoor-e-safedi-e-seher deti hai

Ghuncha hansta hai tere aage jo gustaakhi se Chatakhna munh pe wahin baad-e-seher deti hai

Shama bhi kam nahin kuch ishq mein parwaane se Jaan deta hai agar woh toh yeh sar deti hai

Dam-ba-dam zakhm pe ik zakhm hai dam lene ki Mujh ko fursat nahin woh tegh-e-nazar deti hai

Kehte sunte nahin kuch hum toh shab-e-hijr mein par Naala-e-dil ka jawaab aah-e-jigar deti hai

Teera-bakhti meri karti hai pareshaan mujh ko Tohmat us zulf-e-siyaah-faam pe dhar deti hai

Nakhl-e-mizhgaan se hai kya jaaniye kya chashm-e-samar Chashm paani ki jagah khoon-e-jigar deti hai

Deti sharbat hai kisey zeher bhari aankh teri Ain ehsaan hai woh zeher bhi gar deti hai

Koi ghammaz nahin meri taraf se ae Zauq Kaan us ke meri faryaad hi bhar deti hai