Rind-e-kharaab-haal ko zaahid na chhed tu

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 46 chapter_title: "Rind-e-kharaab-haal ko zaahid na chhed tu" chapter_slug: "46-rind-e-kharaab-haal-ko-zaahid-na-chhed-tu" variant_id: "17a969f2-49cb-4ee7-925d-74d043efb497" content_type: transliteration layout: verse language: Urdu source_language: Urdu language_direction: ltr script: latin word_count: 144 estimated_read_time: 1

Rind-e-kharaab-haal ko zaahid na chhed tu Tujh ko paraai kya padi apni nabed tu

Naakhun khuda na de tujhe aye panja-e-junoon De-ga tamaam aql ke bakhiye udhed tu

Is said-e-muztarib ko tahammul se zibah kar Daamaan o aasteen na lahu mein lathed tu

Chhut'ta hai kaun mar ke giraftaar-e-daam-e-zulf Turbat pe uss ki jaal ka paaye-ga ped tu

Aye zaahid-e-do-rang na peer aap ko bana Maanind-e-subh-e-kaazib abhi hai udhed tu

Yeh tangnaaye-deher nahin manzil-e-faraagh Ghaafil na paaon hirs ke phaila suked tu

Ho qat'a nakhl-e-ulfat agar phir bhi sabz ho Kya ho jo phenke jad hi se uss ko ukhed tu

Jo soti bhed baais-e-ghaugha jagaaye phir Darwaaza ghar ka uss sag-e-duniya pe bhed tu

Umr-e-rawaan ka tausan-e-chaalaak is liye Tujh ko diya ke jald kare yaan se ed tu

Aawargi se ku-e-mohabbat ki haath utha Aye Zauq yeh utha na sake-ga khakhed tu