Sab ko duniya ki hawas khwaar liye phirti hai

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 47 chapter_title: Sab ko duniya ki hawas khwaar liye phirti hai chapter_slug: "47-sab-ko-duniya-ki-hawas-khwaar-liye-phirti-hai" variant_id: "c1966233-3580-4f7f-8e58-accca4fab47f" content_type: transliteration layout: verse language: Urdu source_language: Urdu language_direction: ltr script: latin word_count: 79 estimated_read_time: 1

Sab ko duniya ki hawas khwaar liye phirti hai Kaun phirta hai yeh murdaar liye phirti hai

Ghar se baahar na nikalta kabhi apne khursheed Hawas-e-garmi-e-bazaar liye phirti hai

Woh mere akhtar-e-taala' ki hai waazhon' gardish Ke falak ko bhi nigun-saar liye phirti hai

Kar diya kya tere abru ne ishaara qaatil Ke qaza haath mein talwaar liye phirti hai

Jaa ke ek baar na phirna tha jahaan waan' mujh ko Be-qaraari hai ke sau baar liye phirti hai