Qulf-e-sad-khana-e-dil aaya jo tu toot gaye

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 45 chapter_title: "Qulf-e-sad-khana-e-dil aaya jo tu toot gaye" chapter_slug: "45-qulf-e-sad-khana-e-dil-aaya-jo-tu-toot-gaye" variant_id: "25aa3f8b-1de9-41dd-9c6e-b182ce1f95d8" content_type: transliteration layout: verse language: Urdu source_language: Urdu language_direction: ltr script: latin word_count: 195 estimated_read_time: 1

Qulf-e-sad-khana-e-dil aaya jo tu toot gaye Jo tilismaat na toote the kabhu toot gaye

Saikdon kaasa-e-sar-e-dehr mein maanind-e-hubaab Kabhu ae charkh bane tujh se kabhu toot gaye

Taanke kya jeeb ke phir baad-e-rafu toot gaye Ho ke naakhun kabhi seene mein faruu toot gaye

Tu jo kehta hai ke de ghair ko bhi saaghar-e-mai Haath kya us ke hain ae aaina-ru toot gaye

Kyunke bin kashti-e-mai keejiye sair-e-dariya Mai-kasho zeer-e-baghal ab toh kadu toot gaye

Dekh kar surme ki tehreer teri aankhon mein Kaafiron ke bhi hain zunnaar-e-galu toot gaye

Sadma-e-gham se tere jyun gul-e-baazi afsos Saare a'aza mere ae arbada-ju toot gaye

Sang-e-ghairat se kai aaiine ae ehd-shikan Dekh kar saaf tera roo-e-nekoo toot gaye

Teer dil se woh nikalte hain koi jazba-e-shauq Nikle saufaar jo seene se guloo toot gaye

Dil shikasta hi raha baad-e-fana bhi main toh Ke meri khaak se bante hi subu toot gaye

Shiddat-e-girya se tha raat yeh ashkon ka hujoom Chashm-e-tar phir mere mizhgaan ke hain muu toot gaye

Gulshan-e-ishq mein Allah hai kya kasrat-e-baar Bin hawa kitne hi nakhl-e-lab-e-juu toot gaye

Keh ba-tabdeel-e-qawaafi ghazal ik aur bhi Zauq Dekhein bithlaaye hai kis tarah se tu toot gaye