Naala iss shor se kyun mera duhaai deta

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 41 chapter_title: Naala iss shor se kyun mera duhaai deta chapter_slug: "41-naala-iss-shor-se-kyun-mera-duhaai-deta" variant_id: "822f6cf1-22e2-46c4-84df-547f3d5cfb04" content_type: transliteration layout: verse language: Urdu source_language: Urdu language_direction: ltr script: latin word_count: 160 estimated_read_time: 1

Naala iss shor se kyun mera duhaai deta Ae falak gar tujhe ooncha na sunaai deta

Dekh chhoton ko hai Allah badaai deta Aasmaan aankh ke til mein hai dikhaai deta

Laakh deta falak aazaar gawara thay magar Ek tera na mujhe dard-e-judaai deta

De dua wadi-e-pur-khaar-e-junoon ko har gaam Daad yeh teri hai ae aabla-paai deta

Rawish-e-ashk gira dein-ge nazar se ik din Hai in aankhon se yahi mujh ko dikhaai deta

Munh se bas karte kabhi yeh na Khuda ke banday Gar hareeson ko Khuda saari khudaai deta

Panja-e-mehr ko bhi khoon-e-shafaq mein har roz Ghotay kya kya hai tera dast-e-hanaai deta

Kaun ghar aainay ke aata agar woh ghar mein Khaaksaari se na jaaroob-e-safaai deta

Main hoon woh said ke phir daam mein phansta jaa kar Gar qafas se mujhe saiyyaad rihaai deta

Khoogar-e-naaz hoon kis ka ke mujhe saaghar-e-mai Bosa-e-lab nahi be-chashm-numaai deta

Dekh gar dekhna hai Zauq ke woh parda-nasheen Deeda-e-rozen-e-dil se hai dikhaai deta