Na khencho aashiq-e-tishna-jigar ke teer pehlu se
19th Century Sheikh Ibrahim Zauq Urdutransliterator: thothica
work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 40 chapter_title: "Na khencho aashiq-e-tishna-jigar ke teer pehlu se" chapter_slug: "40-na-khencho-aashiq-e-tishna-jigar-ke-teer-pehlu-se" variant_id: "063c7d37-d221-4bd3-baf6-b49f882aab73" content_type: transliteration layout: verse language: Urdu source_language: Urdu language_direction: ltr script: latin word_count: 181 estimated_read_time: 1
Na khencho aashiq-e-tishna-jigar ke teer pehlu se Nikaale par hai misl-e-maahi-e-tasveer pehlu se
Na le ae naavak-afgan dil ko mere cheer pehlu se Ke woh toh ja chuka saath aah ke joon teer pehlu se
Dil-e-seepara ko le taank taaveezon mein haikal ke Na sarka yeh hamaail ae but-e-be-peer pehlu se
Woh hoon be-dast-o-pa bismil rasaai jab na haath aayi Kiya ta paaye-qaatil az tah-e-shamsheer pehlu se
Aseer-e-zulf deewane hain dekh ae paasbaan shab ko Daba kar baith unke paaon ki zanjeer pehlu se
Musavvir Laila o Majnun ki naakami pe hairaan hain Kabhi baitha na mil kar pehlu-e-tasveer pehlu se
Yeh dil lab-e-tishna tegh-e-yaar ka hai raat bhar karta Sada-e-al-atash joon naala-e-shab-geer pehlu se
Ajab hasrat ka aalam tha ke Majnun kehta tha paiham Chhutte pehlu mere mehmil ka ya taqdeer pehlu se
Na kehna istikhwan unko yeh aalam laaghri ka hai Ke hai dikhla raha mera dil-e-dilgeer pehlu se
Khayal-e-abru-e-jaanan nahin ab bhoolta ik dam Sipahi hai juda karta nahin shamsheer pehlu se
Tamaam ahl-e-sukhan bazm-e-sukhan mein Zauq hairaan hain Mila jo qaafiya tu ne kiya tahreer pehlu se