Maar kar teer jo woh dilbar-e-jaani maange

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 34 chapter_title: "Maar kar teer jo woh dilbar-e-jaani maange" chapter_slug: "34-maar-kar-teer-jo-woh-dilbar-e-jaani-maange" variant_id: "0b5e9cef-74b6-41fc-9c4c-0eb69734fbf7" content_type: transliteration layout: verse language: Urdu source_language: Urdu language_direction: ltr script: latin word_count: 106 estimated_read_time: 1

Maar kar teer jo woh dilbar-e-jaani maange Keh do hum se na koi de ke nishaani maange

Ae sanam dekh ke har dam ki teri kam-sukhni Maut ghabra ke na kyun yeh khafaqaani maange

Khaak se tishna-e-deedar ke sabza jo uthe Toh zabaan apni nikaale hue paani maange

Maar-e-pechaan toh bala hai ga magar tu ae zulf Hai woh kaafir ke na kaata tera paani maange

Dahan-e-yaar ho aur maange kisi se dil ko Woh jo maange toh ba-andaaz-e-nihaani maange

Dil mera bosa-ba-paighaam nahin hai humdum Yaar leta hai toh le apni zabaani maange

Jalwa us aalam-e-ma'ani ka jo dekhe ae Zauq Lutf-e-alfaaz na be-husn-e-ma'ani maange