Maar kar teer jo woh dilbar-e-jaani maange

مار کر تیر جو وہ دلبر_جانی مانگے کہہ دو ہم سے نہ کوئی دے کے نشانی مانگے

اے صنم دیکھ کے ہر دم کی تری کم_سخنی موت گھبرا کے نہ کیوں یہ خفقانی مانگے

خاک سے تشنۂ_دیدار کے سبزہ جو اٹھے تو زباں اپنی نکالے ہوئے پانی مانگے

مار_پیچاں تو بلا ہے_گا مگر تو اے زلف ہے وہ کافر کہ نہ کاٹا ترا پانی مانگے

دہن_یار ہو اور مانگے کسی سے دل کو وہ جو مانگے تو بانداز_نہانی مانگے

دل مرا بوسہ_بہ_پیغام نہیں ہے ہمدم یار لیتا ہے تو لے اپنی زبانی مانگے

جلوہ اس عالم_معنی کا جو دیکھے اے ذوقؔ لطف_الفاظ نہ بے_حسن_معانی مانگے