Kal gaye the tum jise bimaar-e-hijraan chhod kar
19th Century Sheikh Ibrahim Zauq Urdutransliterator: thothica
work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 26 chapter_title: "Kal gaye the tum jise bimaar-e-hijraan chhod kar" chapter_slug: "26-kal-gaye-the-tum-jise-bimaar-e-hijraan-chhod-kar" variant_id: "71a74e87-9ea7-4987-bf54-1b7af5adfbc5" content_type: transliteration layout: verse language: Urdu source_language: Urdu language_direction: ltr script: latin word_count: 245 estimated_read_time: 2
Kal gaye the tum jise bimaar-e-hijraan chhod kar Chal basa woh aaj sab hasti ka saamaan chhod kar Tifl-e-ashk aisa gira daaman-e-mizhgaan chhod kar Phir na utha koocha-e-chaak-e-garebaan chhod kar Kyunke nikle tera us ka dil mein paikaan chhod kar Jaaye baize ko kahaan yeh murgh-e-parraan chhod kar Jis ne ho lazzat uthaayi zakhm-e-tegh-e-ishq ki Kab woh marham-daan ko dhoonde namak-daan chhod kar Said-e-dil ko kyunke chhode jab ke dikhla de na tu Machhliyaan dast-e-hinaai mein meri jaan chhod kar Sard-mehri se kisi ki aage hi jee sard hai Yaan se hat ja dhoop ae abr-e-khiraamaan chhod kar Dekhiye kya ho ke hai ab jaan ke peechhe padi Dil ko ae kaafir teri zulf-e-pareshaan chhod kar Ae dil us ke teer ke hum-raah seene se nikal Warna pachhtaaye-ga tu yeh saath naadaan chhod kar Kyun na ram kar jaayein aahoo aise vehshi se tere Sher bhaagein jis ke naalon se neestaan chhod kar Surkhi-e-paan dekh le zaahid jo dandaan par tere Uth khada ho haath se tasbeeh-e-marjaan chhod kar Pesh-khema le ke nikla gard-e-baad-e-daur-rau Hai jo sargarm-e-safar tan ko meri jaan chhod kar Gar khuda deve qana'at maah-e-do-hafta ki tarah Daude saari ko kabhi aadhi na insaan chhod kar Saaghar-e-dil bechta aaya hoon kho mat haath se Chookta hai kyun yeh jins-e-dast-e-gardaan chhod kar Kaam yeh tera hi tha rehmat ho ae abr-e-karam Warna jaaye daagh-e-isyaan mera daamaan chhod kar Padh ghazal ae Zauq koi garm si ab tu na ja Jaanib-e-mazmoon tarz-e-tafta-jaanaan chhod kar