Kab haq-parast zahid-e-jannat-parast hai

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 25 chapter_title: "Kab haq-parast zahid-e-jannat-parast hai" chapter_slug: "25-kab-haq-parast-zahid-e-jannat-parast-hai" variant_id: "d3ce60a6-78ac-4049-aa1b-d18607eaded1" content_type: transliteration layout: verse language: Urdu source_language: Urdu language_direction: ltr script: latin word_count: 97 estimated_read_time: 1

Kab haq-parast zahid-e-jannat-parast hai Hooron pe mar raha hai yeh shahwat-parast hai

Dil saaf ho toh chahiye maani-parast ho Aaina khaak saaf hai soorat-parast hai

Darvesh hai wohi jo riyazat mein chust ho Taarik nahin faqir bhi rahat-parast hai

Juz zulf soojhta nahin ae murgh-e-dil tujhe Khaffash tu nahin hai ke zulmat-parast hai

Daulat ki rakh na maar-e-sar-e-ganj se ummeed Moozi woh de-ga kya ke jo daulat-parast hai

Anqa ne gum kiya hai nishaan naam ke liye Gum-gashta kaun kehta hai shohrat-parast hai

Yeh Zauq mai-parast hai ya hai sanam-parast Kuchh hai bala se lek mohabbat-parast hai