Huye kyun us pe aashiq hum abhi se
19th Century Sheikh Ibrahim Zauq Urdutransliterator: thothica
work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 21 chapter_title: Huye kyun us pe aashiq hum abhi se chapter_slug: "21-huye-kyun-us-pe-aashiq-hum-abhi-se" variant_id: "ca9d43d8-f4f3-40ad-a464-8a18abebfb20" content_type: transliteration layout: verse language: Urdu source_language: Urdu language_direction: ltr script: latin word_count: 170 estimated_read_time: 1
Huye kyun us pe aashiq hum abhi se Lagaya jee ko nahaq gham abhi se
Dila rabt us se rakhna kam abhi se Jata dete hain tujh ko hum abhi se
Tere beemar-e-gham ke hain jo gham-khwaar Barasta un pe hai maatam abhi se
Ghazab aaya hilein gar us ki mizgaan Saf-e-ushaaq hai barham abhi se
Agarchay der hai jaane mein tere Nahin par apne dum mein dum abhi se
Bhigo rahwe-ga girya jaib-o-daaman Rahe hai aasteen pur-nam abhi se
Tumhara mujh ko paas-e-aabru tha Wagarna ashk jaate tham abhi se
Lage seesa pilaane mujh ko aansu Ke ho buniyaad-e-gham mohkam abhi se
Kaha jaane ko kis ne meenh khule par Ke chhaaya dil pe abr-e-gham abhi se
Nikalte hi dum uthwaate hain mujh ko Huye be-zaar yun humdum abhi se
Abhi dil par jaraahat sau na do sau Dhara hai dosto marham abhi se
Kiya hai waada-e-deedaar kis ne Ke hai mushtaaq ik aalam abhi se
Mera jaana mujhe ghairon ne aye Zauq Ke phirte hain khush-o-khurram abhi se