Hum hain aur shughl-e-ishq-baazi hai

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 20 chapter_title: "Hum hain aur shughl-e-ishq-baazi hai" chapter_slug: "20-hum-hain-aur-shughl-e-ishq-baazi-hai" variant_id: "910d0d4e-c6b8-48fd-a5cb-8f5d03e9c1ba" content_type: transliteration layout: verse language: Urdu source_language: Urdu language_direction: ltr script: latin word_count: 72 estimated_read_time: 1

Hum hain aur shughl-e-ishq-baazi hai Kya haqeeqi hai kya majazi hai

Dukhtar-e-raz nikal ke meena se Karti kya kya zubaan-daraazi hai

Khat ko kya dekhte ho aaine mein Husn ki yeh ada-taraazi hai

Hindu-e-chashm taaq-e-abru mein Kya bana aan kar namazi hai

Nazr dein nafs-kash ko dunya-daar Waah kya teri be-niyaazi hai

But-e-tannaz hum se ho na-saaz Kaarsaazon ki kaarsaazi hai

Sach kaha hai kisi ne yeh ae Zauq Maal-e-moozi naseeb-e-ghaazi hai