Haath seena pe mere rakh ke kidhar dekhte ho

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 18 chapter_title: Haath seena pe mere rakh ke kidhar dekhte ho chapter_slug: "18-haath-seena-pe-mere-rakh-ke-kidhar-dekhte-ho" variant_id: "996f20c7-e792-499b-a332-084550169083" content_type: transliteration layout: verse language: Urdu source_language: Urdu language_direction: ltr script: latin word_count: 105 estimated_read_time: 1

Haath seena pe mere rakh ke kidhar dekhte ho Ik nazar dil se idhar dekh lo gar dekhte ho Hai dam-e-baaz-paseen dekh lo gar dekhte ho Aaina munh pe mere rakh ke kidhar dekhte ho Naatavaani ka meri mujh se na poochho ahwaal Ho mujhe dekhte ya apni kamar dekhte ho Par-e-parwana pade hain shajar-e-shama ke gird Barg-rezi-e-mohabbat ka samar dekhte ho Baid-e-majnoon ko ho jab dekhte ae ahl-e-nazar Kisi majnoon ko bhi aashufta-basar dekhte ho Shauq-e-deedar meri naash pe aa kar bola Kis ki ho dekhte raah aur kidhar dekhte ho Lazzat-e-naavak-e-gham Zauq se ho poochhte kya Lab pade chaat'te hain zakhm-e-jigar dekhte ho