Ek sadma dard-e-dil se meri jaan par toh hai

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 16 chapter_title: "Ek sadma dard-e-dil se meri jaan par toh hai" chapter_slug: "16-ek-sadma-dard-e-dil-se-meri-jaan-par-toh-hai" variant_id: "03eb6143-9cf2-46d8-ab3b-438091d1923c" content_type: transliteration layout: verse language: Urdu source_language: Urdu language_direction: ltr script: latin word_count: 165 estimated_read_time: 1

Ek sadma dard-e-dil se meri jaan par toh hai Lekin bala se yaar ke zaanu pe sar toh hai

Aana hai unka aana qayamat ka dekhiye Kab aayein lekin aane ki unke khabar toh hai

Hai sar shaheed-e-ishq ka zeb-e-sinan-e-yaar Sad shukr baare nakhl-e-wafa barwar toh hai

Maanind-e-shama girya hai kya shughl-e-turfa-tar Ho jaati raat iss mein bala se basar toh hai

Hai dard dil mein gar nahin humdard mere paas Dil-soz koi gar nahin soz-e-jigar toh hai

Ae dil hujoom-e-dard-o-alam se na tang ho Khaana-kharaab khush ho ke aabaad ghar toh hai

Turbat pe dil-jalon ki nahin gar charaagh o gul Seene mein sozish-e-dil o daagh-e-jigar toh hai

Ghaayab mein jo kaha so kaha phir bhi hai yeh shukr Khaamosh ho gaya woh mujhe dekh kar toh hai

Kashti-e-behr-e-gham hai mere haq mein tegh-e-yaar Kar deti ek dam mein idhar se udhar toh hai

Woh dil ke jiss mein soz-e-mohabbat na hove 'Zauq' Behtar hai sang uss se ke uss mein sharar toh hai