Bazm mein zikr mera lab pe woh laaye to sahi

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 10 chapter_title: Bazm mein zikr mera lab pe woh laaye to sahi chapter_slug: "10-bazm-mein-zikr-mera-lab-pe-woh-laaye-to-sahi" variant_id: "1eede88e-40d6-43e1-ae7e-227956c88ab5" content_type: transliteration layout: verse language: Urdu source_language: Urdu language_direction: ltr script: latin word_count: 171 estimated_read_time: 1

Bazm mein zikr mera lab pe woh laaye to sahi Waheen maaloom karun hont hilaaye to sahi

Sang par sang har ek koocha mein khaaye to sahi Par bala se tere deewane khaaye to sahi

Go janaaze pe nahin qabr pe aaye woh meri Shikwa kya keejay ghaneemat hai ke aaye to sahi

Kyonke deewar pe chadh jaaun koi kehta hai Paaon kaatun_ga angutha woh jamaaye to sahi

Paara-e-mushaf-e-dil thay tere koocha mein pade Aate paaon ke talay shukr ke paaye to sahi

Saaf be-parda nahin hota woh ghurfa mein na ho Rozan-e-dar se kabhi aankh ladaaye to sahi

Geh badhaata hai gehay meh ko ghataata hai falak Par shab-e-hijr ko hum dekhen ghataaye to sahi

Karun ek naale se main hashr mein barpa sau hashr Shor-e-mahshar mujhe sotay se jagaaye to sahi

Gir pade thay kai is kooche mein dil ke tukde Aate paaon ke talay shukr ke paaye to sahi

Thay tumheen nikle jo is daam-e-bala se aye Zauq Warna thay paich mein is zulf ke aaye to sahi