Bagh-e-aalam mein jahan nakhl-e-hina lagta hai

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 7 chapter_title: "Bagh-e-aalam mein jahan nakhl-e-hina lagta hai" chapter_slug: "07-bagh-e-aalam-mein-jahan-nakhl-e-hina-lagta-hai" variant_id: "e9fc5b24-21f2-4389-a4f9-0a69686eb3c0" content_type: transliteration layout: verse language: Urdu source_language: Urdu language_direction: ltr script: latin word_count: 163 estimated_read_time: 1

Bagh-e-aalam mein jahan nakhl-e-hina lagta hai Dil-e-pur-khun ka wahan haath pata lagta hai

Kya tadapna dil-e-bismil ka bhala lagta hai Ke jab uchhlay hai tere seene se ja lagta hai

Dil kahan sair tamashe pe mera lagta hai Jee ke lag jaane se jeena bhi bura lagta hai

Jo hawadis se zamaane ke gira phir na utha Nakhl aandhi ka kahin ukhda hua lagta hai

Dil lagaane ka maza hai ke gazak mein us ke Sab kababon se namak dil pe siwa lagta hai

Na shab-e-hijr mein lagti hai zubaan taalu se Aur na pehlu mera bistar se zara lagta hai

Haaye mohtaj hua marham-e-zangaar ka tu Zakhm-e-dil zeher mujhe hansna tera lagta hai

Aab-e-khanjar jo hai zehraab wafadari ko Paani shayad ke sar-e-mulk-e-fana lagta hai

Qad-e-majnu koi pehle se chhadi baid ki hai Jab zara jhukta hai qad paaon se ja lagta hai

Zard zahid hai toh kya khot abhi hai dil mein Zauq uss zar ko kasauti par kasa lagta hai