Jis ja naseem shana-kash-e-zulf-e-yaar hai

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 93 chapter_title: "Jis ja naseem shana-kash-e-zulf-e-yaar hai" chapter_slug: "93-jis-ja-naseem-shana-kash-e-zulf-e-yaar-hai" variant_id: "b3ed7ec2-3ba4-43e6-94fe-caecc265c0ae" content_type: transliteration layout: verse language: Urdu source_language: Urdu language_direction: ltr script: latin word_count: 115 estimated_read_time: 1

Jis ja naseem shana-kash-e-zulf-e-yaar hai Naafa dimaagh-e-aahu-e-dasht-e-tataar hai

Kis ka suraagh-e-jalwa hai hairat ko ae khuda Aaina farsh-e-shash-jehat-e-intezaar hai

Hai zarra zarra tangi-e-ja se ghubaar-e-shauq Gar daam yeh hai vus'at-e-sehra shikaar hai

Dil mudda'i o deeda bana mudda'a-alaih Nazzare ka muqaddama phir roo-bakaar hai

Chhidke hai shabnam aaina-e-barg-e-gul par aab Ae andaleeb waqt-e-vidaa-e-bahaar hai

Pach aa padi hai waada-e-dildar ki mujhe Woh aaye ya na aaye pe yaan intezaar hai

Be-parda su-e-vaadi-e-majnoon guzar na kar Har zarre ke niqaab mein dil be-qaraar hai

Ae andaleeb yak-kaf-e-khas behr-e-aashiyaan Toofaan-e-aamad aamad-e-fasl-e-bahaar hai

Dil mat ganwa khabar na sahi sair hi sahi Ae be-dimaagh aaina timsaal-daar hai

Ghaflat kafeel-e-umr o Asad zaamin-e-nishaat Ae marg-e-naagahaan tujhe kya intezaar hai