Jis zakhm ki ho sakti ho tadbeer rafu ki

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 94 chapter_title: Jis zakhm ki ho sakti ho tadbeer rafu ki chapter_slug: "94-jis-zakhm-ki-ho-sakti-ho-tadbeer-rafu-ki" variant_id: "43b143e4-d1f0-4ec1-acff-5a5397568b8f" content_type: transliteration layout: verse language: Urdu source_language: Urdu language_direction: ltr script: latin word_count: 106 estimated_read_time: 1

Jis zakhm ki ho sakti ho tadbeer rafu ki Likh deejiyo ya Rabb usey qismat mein adu ki

Achha hai sar-angusht-e-hinaai ka tasavvur Dil mein nazar aati to hai ik boond lahu ki

Kyun darte ho ushaaq ki be-hauslagi se Yaan to koi sunta nahi faryaad kisu ki

Dashne ne kabhi munh na lagaya ho jigar ko Khanjar ne kabhi baat na poochhi ho galu ki

Sad-haif woh naakaam ke ik umr se Ghalib Hasrat mein rahe ek but-e-arbada-jo ki

Go zindagi-e-zahid-e-be-chara abas hai Itna hai ke rehti to hai tadbeer wuzu ki

Ab be-khabaraan mere lab-e-zakhm-e-jigar par Bakhiya jise kehte ho shikayat hai rafu ki