Jahan tera naqsh-e-qadam dekhte hain

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 90 chapter_title: "Jahan tera naqsh-e-qadam dekhte hain" chapter_slug: "90-jahan-tera-naqsh-e-qadam-dekhte-hain" variant_id: "a07ff147-e9fe-4171-90d6-268a2e88cf06" content_type: transliteration layout: verse language: Urdu source_language: Urdu language_direction: ltr script: latin word_count: 84 estimated_read_time: 1

Jahan tera naqsh-e-qadam dekhte hain Khayaban khayaban iram dekhte hain

Dil-ashuftagaan khaal-e-kunj-e-dahan ke Suwaida mein sair-e-adam dekhte hain

Tere sarv-e-qaamat se ik qadd-e-adam Qayamat ke fitne ko kam dekhte hain

Tamasha ke ae mehv-e-aaina-daari Tujhe kis tamanna se hum dekhte hain

Suraagh-e-taf-e-naala le daagh-e-dil se Ke shab-rau ka naqsh-e-qadam dekhte hain

Bana kar faqeeron ka hum bhes Ghalib Tamasha-e-ahl-e-karam dekhte hain

Kisu ko z-khud rasta kam dekhte hain Ke aahu ko paaband-e-ram dekhte hain

Khat-e-lakht-e-dil yak-qalam dekhte hain Mizha ko jawahar raqam dekhte hain