Ishq taasir se na-umeed nahin

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 85 chapter_title: "Ishq taasir se na-umeed nahin" chapter_slug: "85-ishq-taasir-se-na-umeed-nahin" variant_id: "be267321-a45b-4423-a918-d08bbdfecfd6" content_type: transliteration layout: verse language: Urdu source_language: Urdu language_direction: ltr script: latin word_count: 54 estimated_read_time: 1

Ishq taasir se na-umeed nahin Jaan-supaari shajar-e-bed nahin

Saltanat dast-ba-dast aayi hai Jaam-e-mai khaatam-e-jamshed nahin

Hai tajalli teri saamaan-e-wajood Zarra be-partav-e-khursheed nahin

Raaz-e-maashooq na ruswa ho jaaye Warna mar jaane mein kuch bhed nahin

Gardish-e-rang-e-tarab se dar hai Gham-e-mehroomi-e-javed nahin

Kehte hain jeete hain ummeed pe log Hum ko jeene ki bhi ummeed nahin