Huzoor-e-shah mein ahl-e-sukhan ki aazmaish hai

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 81 chapter_title: "Huzoor-e-shah mein ahl-e-sukhan ki aazmaish hai" chapter_slug: "81-huzoor-e-shah-mein-ahl-e-sukhan-ki-aazmaish-hai" variant_id: "ae64cd27-553c-4abf-b3e0-822623520f02" content_type: transliteration layout: verse language: Urdu source_language: Urdu language_direction: ltr script: latin word_count: 149 estimated_read_time: 1

Huzoor-e-shah mein ahl-e-sukhan ki aazmaish hai Chaman mein khush-nawaayan-e-chaman ki aazmaish hai

Qad o gesu mein Qais o Koh-kan ki aazmaish hai Jahan hum hain wahan daar-o-rasan ki aazmaish hai

Karenge Koh-kan ke hausle ka imtihaan aakhir Abhi is khasta ke neero-e-tan ki aazmaish hai

Naseem-e-Misr ko kya Peer-e-Kanaan ki hawa-khwahi Use Yusuf ki boo-e-pairahan ki aazmaish hai

Woh aaya bazm mein dekho, na kahiyo phir ke ghafil thay Shakeeb-o-sabr-e-ahl-e-anjuman ki aazmaish hai

Rahe dil hi mein teer achha, jigar ke paar ho behtar Gharaz shast-e-but-e-naawak-figan ki aazmaish hai

Nahin kuch subha-o-zunnar ke phanday mein geeraai Wafadari mein Sheikh o Barahman ki aazmaish hai

Pada reh ae dil-e-wabasta betaabi se kya haasil Magar phir taab-e-zulf-e-pur-shikan ki aazmaish hai

Rag-o-pai mein jab utre zehr-e-gham tab dekhiye kya ho Abhi toh talkhi-e-kaam-o-dahan ki aazmaish hai

Woh aawenge mere ghar, vaada kaisa, dekhna Ghalib Naye fitnon mein ab charkh-e-kuhan ki aazmaish hai