Ibn-e-Maryam hua kare koi

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 82 chapter_title: "Ibn-e-Maryam hua kare koi" chapter_slug: "82-ibn-e-maryam-hua-kare-koi" variant_id: "a07b7547-cc12-40a5-9e07-e2318ad96523" content_type: transliteration layout: verse language: Urdu source_language: Urdu language_direction: ltr script: latin word_count: 120 estimated_read_time: 1

Ibn-e-Maryam hua kare koi Mere dukh ki dawa kare koi

Shara o aaeen par madaar sahi Aise qaatil ka kya kare koi

Chaal jaise kari kamaan ka teer Dil mein aise ke jaa kare koi

Baat par waan zabaan kat-ti hai Woh kahein aur suna kare koi

Bak raha hoon junoon mein kya kya kuch Kuch na samjhe Khuda kare koi

Na suno gar bura kahe koi Na kaho gar bura kare koi

Rok lo gar ghalat chale koi Bakhsh do gar khata kare koi

Kaun hai jo nahiin hai haajat-mand Kis ki haajat rawa kare koi

Kya kiya Khizr ne Sikandar se Ab kise rehnuma kare koi

Jab tawaqqo hi uth gayi Ghalib Kyun kisi ka gila kare koi