Hai bazm-e-butaan mein sukhan aazurda-labon se

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 61 chapter_title: "Hai bazm-e-butaan mein sukhan aazurda-labon se" chapter_slug: "61-hai-bazm-e-butaan-mein-sukhan-aazurda-labon-se" variant_id: "ac0b8013-7b53-4af0-be49-64116a7fd693" content_type: transliteration layout: verse language: Urdu source_language: Urdu language_direction: ltr script: latin word_count: 87 estimated_read_time: 1

Hai bazm-e-butaan mein sukhan aazurda-labon se Tang aaye hain hum aise khushamad-talabon se

Hai daur-e-qadah wajah-e-pareshani-e-sahba Yak-baar laga do khum-e-mai mere labon se

Rindaan-e-dar-e-maikada gustaakh hain zaahid Zinhaar na hona taraf in be-adabon se

Bedaad-e-wafa dekh ke jaati rahi aakhir Har-chand meri jaan ko tha rabt labon se

Kya poochhe hai bar-khud ghalatihaaye-azeezaan Khwaari ko bhi ik aar hai aali-nasabon se

Go tum ko raza-joi-e-aghyar hai lekin Jaati hai mulaqaat kab aise sababon se

Mat poochh Asad waada-e-kam-fursati-e-zeest Do din bhi jo kaate to qayamat ta'abon se