Haasil se haath dho baith ae aarzu-khiraami

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 58 chapter_title: "Haasil se haath dho baith ae aarzu-khiraami" chapter_slug: "58-haasil-se-haath-dho-baith-ae-aarzu-khiraami" variant_id: "334eccb4-ae51-46f8-8f9e-c296fc054c6d" content_type: transliteration layout: verse language: Urdu source_language: Urdu language_direction: ltr script: latin word_count: 108 estimated_read_time: 1

Haasil se haath dho baith ae aarzu-khiraami Dil josh-e-girya mein hai doobi hui asaami

Is shama ki tarah se jis ko koi bujha de Main bhi jale-huon mein hoon daagh-e-na-tamaami

Karte ho shikwa kis ka tum aur bewafai Sar peet'te hain apna hum aur nek-naami

Sad-rang-e-gul katarna dar-parda qatl karna Tegh-e-adaa nahin hai paaband-e-be-niyaami

Tarf-e-sukhan nahin hai mujh se Khuda-na-karda Hai naama-bar ko us se daawa-e-hum-kalaami

Taaqat fasaana-e-baad andesha shola-ijaad Ae gham hanoz aatish ae dil hanoz khaami

Har chand umr guzri aazurdagi mein lekin Hai sharh-e-shauq ko bhi joon shikwa na-tamaami

Hai yaas mein Asad ko saaqi se bhi faraaghat Darya se khushk guzre maston ki tishna-kaami