Gulshan mein bandobast ba-rang-e-digar hai aaj

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 57 chapter_title: "Gulshan mein bandobast ba-rang-e-digar hai aaj" chapter_slug: "57-gulshan-mein-bandobast-ba-rang-e-digar-hai-aaj" variant_id: "f7415c0e-6669-404d-9f3f-b4bdc4535081" content_type: transliteration layout: verse language: Urdu source_language: Urdu language_direction: ltr script: latin word_count: 83 estimated_read_time: 1

Gulshan mein bandobast ba-rang-e-digar hai aaj Qumri ka tauq halqa-e-bairoon-e-dar hai aaj

Aata hai ek paara-e-dil har fighaan ke saath Taar-e-nafas kamand-e-shikaar-e-asar hai aaj

Ae aafiyat kinara kar ae intezaam chal Sailaab-e-girya darpai-e-deewar-o-dar hai aaj

Maazooli-e-tapish hui ifraat-e-intezaar Chashm-e-kushaada halqa-e-bairoon-e-dar hai aaj

Hairat-farosh-e-sad-nigraani hai iztiraar Sar-rishta chaak-e-jaib ka taar-e-nazar hai aaj

Hoon daagh-e-neem-rangi-e-shaam-e-wisaal-e-yaar Noor-e-chiraagh-e-bazm se josh-e-seher hai aaj

Karti hai aajizi-e-safar sokhtan tamaam Pairaahan-e-khasak mein ghubaar-e-sharar hai aaj

Taa-subah hai ba-manzil-e-maqsad raseedani Dood-e-chiraagh-e-khaana ghubaar-e-safar hai aaj

Door-uftaada-e-chaman-e-fikr hai Asad Murgh-e-khayaal bulbul-e-be-baal-o-par hai aaj