Gham nahin hota hai aazaadon ko besh az-yak-nafas

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 51 chapter_title: "Gham nahin hota hai aazaadon ko besh az-yak-nafas" chapter_slug: "51-gham-nahin-hota-hai-aazaadon-ko-besh-az-yak-nafas" variant_id: "e3817a7a-fa6c-4737-b6d8-162c9b4081a4" content_type: transliteration layout: verse language: Urdu source_language: Urdu language_direction: ltr script: latin word_count: 126 estimated_read_time: 1

Gham nahin hota hai aazaadon ko besh az-yak-nafas Barq se karte hain roshan shama-e-maatam-khana hum

Mehfilein barham kare hai ganjafa-baaz-e-khayal Hain warq-gardani-e-nairang-e-yak-but-khana hum

Bawajood-e-yak-jahan hungama paidaai nahin Hain charaghan-e-shabistan-e-dil-e-parwana hum

Zoaf se hai ne qanaat se yeh tark-e-justujoo Hain wabaal-e-takia-gaah-e-himmat-e-mardana hum

Daaim-ul-habs is mein hain laakhon tamannayein Asad Jaante hain seena-e-pur-khoon ko zindaan-khana hum

Baske hain bad-mast-e-bishkan bishkan-e-mai-khana hum Moo-e-sheesha ko samajhte hain khat-e-paimana hum

Baske har-yak-moo-e-zulf-afshaan se hai taar-e-shuaa Panja-e-khursheed ko samjhe hain dast-e-shaana hum

Mashq-e-az-khud-raftagi se hain ba-gulzar-e-khayal Aashna taabeer-e-khwab-e-sabza-e-begana hum

Fart-e-be-khwaabi se hain shab-haaye-hijr-e-yaar mein Joon zabaan-e-shama daagh-e-garmi-e-afsana hum

Shaam-e-gham mein soz-e-ishq-e-aatish-rukhsar se Par-fishaan-e-sokhtan hain soorat-e-parwana hum

Hasrat-e-arz-e-tamanna yaan se samjha chahiye Do-jahan hashr-e-zabaan-e-khushk hain joon shaana hum

Kishti-e-aalam ba-toofaan-e-taghaful de ke hain Aalam-e-aab-e-gudaaz-e-jauhar-e-afsana hum

Wehshat-e-be-rabti-e-pech-o-kham-e-hasti na poochh Nang-e-baalidan hain joon moo-e-sar-e-deewana hum