Gham-e-duniya se gar paayi bhi fursat sar uthaane ki

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 52 chapter_title: "Gham-e-duniya se gar paayi bhi fursat sar uthaane ki" chapter_slug: "52-gham-e-duniya-se-gar-paayi-bhi-fursat-sar-uthaane-" variant_id: "c56f2ead-34cc-4761-9eba-3b6b7977be32" content_type: transliteration layout: verse language: Urdu source_language: Urdu language_direction: ltr script: latin word_count: 114 estimated_read_time: 1

Gham-e-duniya se gar paayi bhi fursat sar uthaane ki Falak ka dekhna taqreeb tere yaad aane ki

Khulega kis tarah mazmoon mere maktoob ka ya Rab Qasam khaayi hai us kaafir ne kaaghaz ke jalaane ki

Lipatna parniyaan mein shola-e-aatish ka pinhaan hai Walay mushkil hai hikmat dil mein soz-e-gham chhupaane ki

Unhein manzoor apne zakhmiyon ka dekh aana tha Uthe the sair-e-gul ko, dekhna shokhi bahaane ki

Hamari saadgi thi iltifaat-e-naaz par marna Tera aana na tha zaalim magar tamheed jaane ki

Lakad-kob-e-hawadis ka tahammul kar nahi sakti Meri taaqat ke zaamin thi buton ki naaz uthaane ki

Kahun kya khoobi-e-auzaa-e-abna-e-zamaan, Ghalib Badi ki usne jis se hum ne ki thi baarha neki