Ghair lein mehfil mein bose jaam ke

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 49 chapter_title: Ghair lein mehfil mein bose jaam ke chapter_slug: "49-ghair-lein-mehfil-mein-bose-jaam-ke" variant_id: "32375f23-0122-4dd4-81cc-d3bbccf3f64b" content_type: transliteration layout: verse language: Urdu source_language: Urdu language_direction: ltr script: latin word_count: 89 estimated_read_time: 1

Ghair lein mehfil mein bose jaam ke Hum rahein yun tishna-lab paighaam ke

Khastagi ka tum se kya shikwa ke yeh Hathkande hain charkh-e-neeli-faam ke

Khat likhenge garche matlab kuch na ho Hum toh aashiq hain tumhare naam ke

Raat pee zamzam pe mai aur subah-dam Dhoye dhabbe jaama-e-ehraam ke

Dil ko aankhon ne phansaya kya magar Yeh bhi halqe hain tumhare daam ke

Shaah ke hai ghusl-e-sehat ki khabar Dekhiye kab din phiren hamaam ke

Ishq ne Ghalib nikamma kar diya Warna hum bhi aadmi the kaam ke