Gayi woh baat ke ho guftugu to kyun kar ho

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 47 chapter_title: Gayi woh baat ke ho guftugu to kyun kar ho chapter_slug: "47-gayi-woh-baat-ke-ho-guftugu-to-kyun-kar-ho" variant_id: "ffaea242-f3c9-49f6-adc3-8aaf42ae6e1d" content_type: transliteration layout: verse language: Urdu source_language: Urdu language_direction: ltr script: latin word_count: 182 estimated_read_time: 1

Gayi woh baat ke ho guftugu to kyun kar ho Kahe se kuch na hua phir kaho to kyun kar ho

Hamare zehen mein is fikr ka hai naam visaal Ke gar na ho to kahan jaayein, ho to kyun kar ho

Adab hai aur yahi kashmakash to kya keeje Haya hai aur yahi go-mago to kyun kar ho

Tumhin kaho ke guzara sanam-paraston ka Buton ki ho agar aisi hi khoo to kyun kar ho

Uljhate ho tum agar dekhte ho aaina Jo tum se sheher mein hon ek do to kyun kar ho

Jise naseeb ho roz-e-siyah mera sa Woh shakhs din na kahe raat ko to kyun kar ho

Hamein phir un se ummeed aur unhein hamari qadr Hamari baat hi poochein na woh to kyun kar ho

Ghalat na tha hamein khat par gumaan tasalli ka Na maane deeda-e-deedar joo to kyun kar ho

Batao us mizha ko dekh kar ke mujh ko qaraar Woh nesh ho rag-e-jaan mein faro to kyun kar ho

Mujhe junoon nahin Ghalib walay baqaul-e-huzoor Firaaq-e-yaar mein taskeen ho to kyun kar ho