Garm-faryaad rakha shakl-e-nihaali ne mujhe

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 46 chapter_title: "Garm-faryaad rakha shakl-e-nihaali ne mujhe" chapter_slug: "46-garm-faryaad-rakha-shakl-e-nihaali-ne-mujhe" variant_id: "a3aa1e20-4613-4c90-adc4-5f78adb43d0b" content_type: transliteration layout: verse language: Urdu source_language: Urdu language_direction: ltr script: latin word_count: 84 estimated_read_time: 1

Garm-faryaad rakha shakl-e-nihaali ne mujhe Tab amaan hijr mein di burd-e-layaali ne mujhe

Nasiya-o-naqd-e-do-aalam ki haqeeqat maloom Le liya mujh se meri himmat-e-aali ne mujhe

Kasrat-aaraai-e-wahdat hai parastaari-e-wahm Kar diya kaafir inn asnaam-e-khayaali ne mujhe

Hawas-e-gul ke tasawwur mein bhi khatka na raha Ajab aaraam diya be-par-o-baali ne mujhe

Zindagi mein bhi raha zauq-e-fana ka maara Nasha bakhsha ghazab is saaghar-e-khaali ne mujhe

Bas-ke thi fasl-e-khizaan-e-chamanistaan-e-sukhan Rang-e-shohrat na diya taaza-khayaali ne mujhe

Jalwa-e-khur se fana hoti hai shabnam 'Ghalib' Kho diya satwat-e-asmaa-e-jalaali ne mujhe