Gar khamoshi se faida ikhfa-e-haal hai

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 44 chapter_title: "Gar khamoshi se faida ikhfa-e-haal hai" chapter_slug: "44-gar-khamoshi-se-faida-ikhfa-e-haal-hai" variant_id: "8a447678-cded-48ca-b4ac-f65d4d8f2f3c" content_type: transliteration layout: verse language: Urdu source_language: Urdu language_direction: ltr script: latin word_count: 98 estimated_read_time: 1

Gar khamoshi se faida ikhfa-e-haal hai Khush hoon keh meri baat samajhni muhaal hai

Kis ko sunaun hasrat-e-izhaar ka gila Dil fard-e-jama-o-kharch zabaan-haaye-laal hai

Kis pardeh mein hai aaina-pardaaz ae Khuda Rahmat keh uzr-khwah-e-lab-e-be-sawaal hai

Haye haye khuda-nakhwasta woh aur dushmani Ae shauq-e-munfa'il yeh tujhe kya khayal hai

Mishkeen libaas-e-Kaaba Ali ke qadam se jaan Naaf-e-zameen hai na keh naaf-e-ghazaal hai

Wehshat pe meri arsa-e-aafaq tang tha Dariya zameen ko arq-e-infa'aal hai

Hasti ke mat fareb mein aa jaaiyo Asad Aalam tamaam halqa-e-daam-e-khayal hai

Pehlu-tehi na kar gham-o-andoh se Asad Dil waqf-e-dard kar keh faqeeron ka maal hai